23 мартта Чистай муниципаль районы администрациясендә видеоконференция режимында Татарстан Республикасы Кама аръягы төбәге медицина оешмалары вәкилләре катнашында Татарстан Республикасы Территориаль мәҗбүри медицина иминияте фондының эшче киңәшмәсе булды
Киңәшмә эшендә Чистай муниципаль районы башкарма комитеты җитәкчесенең икътисадый мәсьәләләр буенча беренче урынбасары Ләйсән Кашапова, Татарстан Республикасы Территориаль мәҗбүри медицина иминияте фондының Чистай филиалы директоры Әхәт Хафизов, баш табиблар, баш табибларның медицина часте буенча урынбасарлары, поликлиникаларның баш табиблары урынбасарлары, бүлекләр мөдирләре, мәҗбүри медицина иминияте кысаларында счетлар реестрларын кертү өчен җаваплы затлар катнашты.
2016 елга дәүләт гарантияләре буенча гражданнарга медицина ярдәмен түләүсез күрсәтү мәсьәләләре, 2016 елга тәүлек әйләнәсендә эшләүче һәм көндезге стационарда медицина ярдәме, амбулатория-поликлиника ярдәме, ашыгыч, стоматология ярдәме күрсәткән өчен клиника-статистика төркемнәре буенча түләү, яңа клиника-статистика төркемнәрен кертү, аерым клиника-статистика төркемнәрен кодлаштыру үзенчәлекләре һәм аерым клиника-статистика төркемнәре буенча түләү тәртибе турындагы мәсьәләләр тикшерелде. Медицина оешмаларының игътибары медицина хезмәтләре күрсәткән өчен счетлар реестрларын корректлы төзүгә юнәлдерелде.
Дәвәлау учреждениеләренең, иминият медицина компанияләренең һәм Территориаль мәҗбүри медицина иминияте фондының үзара җайлашып эшләве нәтиҗәсендә генә мәҗбүри медицина иминияте программасын тормышка ашыру буенча куелган бурычларны үтәп булачак.
