2020 елның 21гыйнварында Татарстан Республикасы Территориаль мәҗбүри медицина иминияте фондының Алабуга шәһәрендәге филиалы белгечләре Г. Тукай скверында Халыкара кочаклашу көненә багышланган чара үткәрде.

Анда шәһәр халкына елмаю бүләк итү һәм матур теләкләр теләү белән беррәттән, «Сәламәтлегең турында бел – диспансерлаштыру уз!» дигән тематика буенча рус һәм татар телләрендә эшләнгән буклетлар һәм ТР Территориаль фондының һәм үз эшчәнлекләрен мәҗбүри медицина иминияте өлкәсендә гамәлгә ашыручы иминият медицина оешмаларының элемтәгә керү өчен кирәкле мәгълүматлары күрсәтелгән календарьлар да таратылды.